«Западный» ҚБ кітапханасында, № 17 мектептің 7 – сынып оқушылармен «Даланың батыр перзенті» атты кіт

Шолу барысында Шақшақ Жәнібек жайлы мағлұматтар айтылып, сонымен қатар батырға арналған «Шақшақ Жәнібек Қошқарұлы», «Жәнібек Тархан» деректі повесть және поэмалар мен құжаттары, Төреқұл Н. «Даланың дара ділмарлары», Күмісбайұлы Ш. «Шақшақұлы Жәнібек» Тарих, тұлға, уақыт. кітаптарымен, газет - журналдарға жарияланған мақалалармен таныстырылды. Әр кітаптің мазмұнына, мақалаларға тоқталып, қысқаша мәлімет берілді. Қостанайда Жәнібек батыр Қошқарұлы туралы жаңа кітап жарық көргені жайлы да айтып өтілді.

Елбасының «Болашаққа бағдар: рухани жаңғыру» ой-толғамы көпшілік қауымнан қызу қолдау тауып, іргелі істер атқарылуда. Шақшақ Жәнібек жайлы жаңа кітап шығып қана қоймай, Қостанай қаласының төрінен батыр бабамызға ескерткіш те орнатылды. Ескерткіштің салтанатты ашылуы қарсаңында кітаптың жарық көруі - Жәнібектануға қосылған үлес екені даусыз. Іс – шара соңында оқушыларға Шақшақ Жәнібекке арналған парақшалар таратылды.

Қазаққа – қалқан, қалмаққа – алдаспан болып туған қаһарман ерлердің бірі Шақшақұлы Жәнібек әрқашан ел жадында сақталып, ұрпақтан ұрпаққа есімі жаттала беретіні шүбәсіз шындық.