«Жаңғыру - жазудан басталады»

Іс-шараның мақсаты: қазіргі кезеңдегі өзекті мәселенің бірі – қазақ тілінің латын әліпбиіне көшуін талқылау, жас оқырмандарды Қазақстан Республикасының Президенті Н. Назарбаевтың Жарлығымен 2017 жылдың 26 қазанында бекітілген жаңа әліпбимен таныстыру.

Жазу – әрбір халықтың рухани, мәдени өсуін, даму деңгейін көрсететін әлеуметтік мәні зор құбылыс. Ол өткенді, бүгінді және келешекті жалғастыратын алтын көпір. Қазіргі жазуымыз бірнеше ұрпаққа білім беріп, оларды талай биіктерге жетеледі, қазақтың мәдениетін, әдебиетін, ғылымын көтеріп, егеменді мемлекетімізге де қызмет етіп келеді. Кітапханашы мерзімді басылымдарға талқылау барысында мектеп оқушыларына латын әліпбиіне көшу маңыздылығын және латын графикасының жаңа нұсқасы туралы мағлұмат берді. Сонымен қатар, республикалық және облыстық мерзімді басылым беттерінде жарық көрген, «Латын әліпбиіне көшу тарихи таңдау», «На латинскую графику» және т.б. осы сынды мақалалармен таныстырды. Одан соң сөз алған барлық қатынасушылар өз ойларын ортаға салды. Жаңа алфавитті қалай қабылдайсыз, латын әліпбиін қолданысқа енгізуде қандай кедергілер болуы мүмкін, сияқты сауалдар төңірегінде балалар өз ойларымен бөлісті.