«Жетістіктерге жету жолдары.Путь преодоления и свершений»

Кітапханада Елбасының «Төртінші өнеркәсіптік революция жағдайындағы дамудың жаңа мүмкіндіктері» жолдауы аясында іс-шара өтті. Аталған іс-шараға шақырылған қонақтарымыз Облыстық мәслихаттың депутаты Е. К. Смышляева, кітапхананың «Алтын жас» клубының мүшелері Ш. Назарова, Е. Халус қатысты. Президенттің биылғы жолдауында әлемнің дамыған елдерінің қатарына қосылу үшін, Қазақ елі атқаруға тиісті 10 басым бағытты атап көрсетті. Қонақтар Елбасы жолдауына қолдау білдіре отырып, әр тармағына назар аударды. Қазақстан Республикасының стратегиялық дамуынын негізгі бағыттары мен міндеттерін түсіндіріп, «Адами капитал – жаңғыру негізі» деп аталған жетінші тармағына ерекше тоқталып өтті. Іс – шара барысында викториналық сұрақтар қойылды, дұрыс жауап берген қатысушыларға сыйлықтар табыс етілді. Оқырмандар қонақтарға сұрақтарын қойып, өз пікірлерін білдірді. «Елбасы жолдауы – жаңғыру жолы» атты тақырыптық сөре ұйымдастырылды.