«Туған өлкем – қандай көркем»

Елбасымыз таяуда жариялаған «Болашаққа бағдар: Рухани жаңғыру» атты бағдарламалық сипаттағы мақаласында «Туған жер» бағдарламасын қолға алуды ұсынды. Мемлекет басшысы отансүйгіштік сезімнің кіндік қаның тамған жеріңе, өскен ауылыңа, қалаң мен өңіріңе, яғни туған жеріңе деген сүйіспеншіліктен басталатынын қадап айтты. Осы бағдарламаның аясында № 17 мектеп оқушыларымен іс – шара ойын түрінде өтті. Балалар екі топқа бөлініп, әр бөлімдерге қойылған сұрақтарға жауап беріп, берілген тапсырмалар бойынша әдеби шығармалардан үзінді оқып, Қазақстанның көркем табиғатына, әсем жерлеріне байланысты ән немесе өлең орындап, туған жер туралы тақпақтар айтып, шағын шығармалар жазды. Ең қызықты жазылған шығарма «Менің туған ауылым» тақырыбында болды. Бұл шығармада өзінің туған ауылының көркем табиғаты, ойнаған жерлері, атасының айтқан қызықты әңгімелері жайлы айтылған. Оқушылар туып өскен жерлерін, өз өлкелерін жақсы көріп қадір тұтатындарын көрсете білді. Туған жер туралы бейнебаянды тамашалады. «Туған жерім байлығым» атты тақырыптық сөре ұйымдастырылды.

"Туған жер" жобасы - патриоттық тәрбиенің негізгі өзегі. Осы жобаны негізін ала отырып, біз балаларға патриоттық тәрбие береміз, оларды туған жерінің тарихын біліп, ұлы тұлғаларын құрметтеп, табиғатын аялап, сүйе білуге шақырамыз.