«Күннің жазғы елінде»
- ostrovfilial1
- 18 июл. 2018 г.
- 1 мин. чтения
№ 17 мектептің жазғы лагерінде демалған балалармен «Әдеби жаз» жобасы бойынша таза ауада Вook-партия өткізілді. Кітапханашы балаларды ең тамаша мезгіл, үш айға созылатын жазғы демалыстарымен құттықтап, табиғат аясында, таза ауада көп тынығып, суға жүзіп, демалыстарын сәтті өткізуіне, сонымен қатар, қызықты кітаптар оқуды естен шығармауларын айтып өтті. Ашық аспан астында балалар әдебиеті бөлімінің қорындағы ертегілер, әдеби шығармалар, шетел және орыс жазушыларының ертегілері, танымдық энциклопедиялар мен балаларға арналған журналдар ұсынылды. Балалармен бірге таза ауада ертегілер оқып, әр түрлі ойындар ойналды. Олар өздеріне ұнайтын кітаптарын алып, табиғат аясында жатып еркін оқыды. Іс-шараның соңында балаларды жаз бойы кітапханаға келіп кітап оқып, қызықты іс – шараларға қатынасып, жазғы демалыстарын қызықты өткізуге шақырды. Балалар ұнаған кітаптарын үйде оқуға алды.





