«Жастардың шығармашылық әлеуетін дамыту» кітап - көрсетілімі

"Западный" филиалы кітапханасында Рухани жаңғыру бағдарламасы аясында қаланың дарынды жастарымен танысу өтті. Өткізудің негізгі мақсаты талантты жастардың өзін-өзі жүзеге асыруы үшін лайықты және тиісті жағдайларды қалыптастыру. Биылғы жылы біздің жастарға ерекше көңіл бөлінді. Шақырылған қонағымыз Л. Н.Толстой атындағы облыстық ғылыми әмбебап кітапханасының «Ақ қауырсын» клубының жетекшісі жас ақын Айтжан Құрымғалиұлы өзінің туындыларын көрсетіп, «Аялдама», «Сен менікісің», шығармаларын оқып, талантты жастарды өз клубының мүшесі болуға шақырды. Кітапханашы осы бағдарлама туралы жалпы мағлұмат беріп, бұл игі бастаманы ел ішінде насихаттап, лайықты жүзеге асыру - баршамыздың міндетіміз, - деп айтып өтті. Қазақстанның жарқын болашағы бар, ол – біздің жастарымыздың қолында!» – деп өз ойын үндеу ретінде білдірді. Оқушылар жас ақынымызға өз таланттары жайлы ой - пікірлерін айтып, сұрақтарын қойып, жауаптарын алды.