«Кемеңгер елбасы – ырысы елімнің»

Қазақстан Республикасының Тұңғыш Президенті күні – 1 желтоқсанда жыл сайын аталып өтетін Қазақстандағы мемлекеттік мейрам. Алғашқы президент күнін атап өту Қазақстан Республикасының президенті – Нұрсұлтан Әбішұлы Назарбаевтың мемлекет алдындағы дүр жетістіктерін тану мақсатымен ұйымдастырылған. Бұл мейрамның аталуының негізі және алғышарты болып 1 желтоқсан күні болған президент сайлауы болды.

Осы Президент күніне орай «Западный» кітапхана – филиалында «Кемеңгер елбасы – ырысы елімнің» атты портрет кеші өткізілді. Кітапханашы оқушыларға Елбасының өмір жолдарымен балалық шағына қысқаша тоқталып, Н. Ә. Назарбаевты Еуразия кеңістігі басты ықпалдастырушы – саяси көшбасшы ретінде қабылдайтынын, өзара ынтымақтастықты тереңдетіп, өзінің бастамаларын іс жүзінде жүзеге асырудан тынбай еңбек етіп келетіні жөнінде айтып өтті. Кеш барысында оқушылар «Балалық шағымның аспаны» фильмінен үзінді тамашалап, елбасына арналған ақындардың өлеңдерін оқыды. Н. Назарбаевтың «Елім менің», «Үш қоңыр» әндерін тыңдап, викториналық сұрақтарға жауап берді.